Үйлчилгээний ерөнхий нөхцөл

Бид доорх саарал тэмдэглэгээтэй хэсэгт манай үйлчилгээний нөхцөлийн зарим хэсгийг онцолж, уншихад тань туслах зорилгоор оруулсан болно. Тэмдэглэгээ нь хураангуйлсан мэдээлэл биш учир та бусад бүгдийг уншихад цаг гаргаарай.

Энэ хэсэгт манай бүтээгдэхүүнийг ашиглахтай холбоотой ерөнхий нөхцөлийг тайлбарласан green болно. Манай бүтээгдэхүүнийг ашиглахын тулд доорх үйлчилгээний нөхцөлүүд болон таны ашиглаж буй нэмэлт боломжуудад (жишээ нь U Money, Monpay гэх мэт) хамаарах бусад үйлчилгээний нөхцөлийг хүлээн зөвшөөрөх шаардлагатай. Хэрэв та манай бүтээгдэхүүнийг компанийнхаа нэрийн өмнөөс хэрэглэж буй бол танай компани мөн Үйлчилгээний ерөнхий нөхцөлийг зөвшөөрсөнд тооцож ойлгоно.

Эдгээр Үйлчилгээний Ерөнхий Нөхцөлүүд (цаашид "Ерөнхий Нөхцөл" гэх) нь ОньсШоп бүтээгдэхүүнийг (цаашид " ОньсШоп" гэх) суулгаж, түүнд бүртгүүлж, ашиглах хэрэглэгч (цаашид "та", "таны" гэх) ба Датакейр ХХК (цаашид "Систем гаргагч" гэх)-ийн хооронд хийсэн хууль ёсны гэрээ юм. Та эдгээр Ерөнхий Нөхцөлүүдийг уншиж ЗӨВШӨӨРӨХ дарсанаар таны хэрэглэх ОньсШопын модулиудаас хамаарах нэмэлт нөхцөлүүдийг (цаашид “Нэмэлт Нөхцөлүүд”гэх) болон эдгээр Ерөнхий Нөхцөлүүдийг зөвшөөрсөнд тооцно. Хэрэв та байгууллагын нэрийн өмнөөс ОньсШоп ашиглаж байгаа бол та тухайн бизнесийн байгууллагыг эдгээр нөхцөлтэй холбох бүрэн эрхтэй гэдгийг илэрхийлэх бөгөөд тухайн байгууллага нь эдгээр Ерөнхий Нөхцөлүүдийг хүлээн зөвшөөрсөнд тооцно. Та манай бүх нөхцөлийг анхааралтай уншаарай.

• Оньс Шоп хэрэглэгчийн Бүртгэл

Бүртгүүлэхдээ хувийн мэдээллээ үнэн зөв оруулаарай. Хэрэв та бүрэн бус эсвэл худал мэдээлэл өгсөн бол бид таны хэрэглэгчийн бүртгэлийг түдгэлзүүлэх, цуцлах боломжтой.

ОньсШопыг ашиглахын тулд та програмд хэрэглэгчээр бүртгүүлэх ёстой. Бүртгэлээр бид танаас регистрийн дугаарыг авах ба ОньсШоп систем нь Гааль, Татвар, Санхүүгийн Мэдээллийн Технологийн төвийн http://info.ebarimt.mn/ системтэй холбогдон таны нэр болон бусад шаардагдах мэдээллийг автоматаар авч бүртгэл хийгдэх болно. Та өөрийн хувь хүний эсвэл байгууллагын регистрийн дугаарыг үнэн зөв өгөх ёстой. ОньсШопд нэвтрэх эрх олгосон хүмүүсийн хийсэн аливаа үйлдлийг оролцуулаад, таны програмын хүрээнд хийгдэх бүх үйл ажиллагааг та бүрэн хариуцна. Систем гаргагч нь буруу, худал, бүрэн бус мэдээлэл өгсөн, бүртгэлийн шаардлагыг биелүүлээгүй этгээдийн ОньсШопыг ашиглах эрхийг түдгэлзүүлэх, зогсоох эрхтэй.

• Засвар, мэдэгдэл

Бид хэдийд ч үйлчилгээнийхээ нөхцөлийг шинэчлэх боломжтой бөгөөд шинэчлэлтийн талаарх мэдээллийг танд зохих ёсоор мэдэгдэх болно. Шинэчлэлт хийсний дараа та манай үйлчилгээг үргэлжлүүлэн ашигласан тохиолдолд таныг шинэчилсэн нөхцөлийг зөвшөөрсөнд тооцох болно.
Мөн та үйлчилгээний нөхцөл шинэчлэлтийн мэдэгдлийг цахим хэлбэрээр хүлээн авахыг зөвшөөрсөнд тооцох болно.

Бид Ерөнхий Нөхцөлийг хэдийд ч өөрчлөх боломжтой бөгөөд өөрчлөгдсөн тухай мэдээллийг Оньсын вэбсайтад /www.onispos.mn/ байршуулах эсвэл ОньсШоп програмаар дамжуулан танд мэдэгдэх болно ("Шинэчилсэн хувилбар"). Шинэчилсэн хувилбарыг байршуулсан үеэс эхлэн хүчин төгөлдөр болно. Шинэчилсэн хувилбарыг байрлуулсны дараа та үргэлжлүүлэн үйлчилгээгээ ашиглах нь шинэчилсэн хувилбарыг хүлээн зөвшөөрсөн гэсэн үг юм. Өөрчлөлт эхлэхээс өмнө үүссэн аливаа маргааныг (14-р хэсэгт тодорхойлсны дагуу) маргаан үүссэн үед хүчин төгөлдөр мөрдөгдөж байсан Ерөнхий Нөхцөлийн дагуу зохицуулна.

Бид таны ОньсШопын хэрэглээнд хамаарах хууль тогтоомж болон бусад мэдээллийг цахим хэлбэрээр, манай вэбсайтад байршуулах, ОньсШопоор дамжуулан мэдэгдэл илгээх, эсвэл бүртгэлтэй имэйл хаягаар имэйлээр илгээх замаар мэдэгдэх, мэдэгдэл өгөх боломжтой. Цахим тодруулга, мэдэгдэл нь цаасан хувилбартай ижил утга, үр дүнтэй байна. Ийм тодруулга, мэдэгдлийг манай вэбсайтад /www.onispos.mn/ байршуулснаас хойш хорин дөрвөн (24) цагийн дотор, эсвэл имэйл нь хүрээгүй гэсэн мэдэгдэл ирээгүй тохиолдолд танд имэйлээр илгээснээс хойш хорин дөрөв (24) цагийн дотор хүлээн авсан гэж үзнэ. Хэрэв та цахимаар хүлээн авах зөвшөөрлөө өөрчлөхийг хүсвэл support@datacare.mn-т хандана уу.

• Хязгаарлалт

ОньсШоп програмаар та хууль бус зүйл хийх боломжгүй. Хэрэв бид таныг хууль бус гүйлгээ хийж байна гэж үзэж байгаа тохиолдолд хууль сахиулах байгууллагатай мэдээллээ хуваалцах эрхтэй.

Танд болон танаар дамжуулан аливаа гуравдагч этгээдэд шууд болон шууд бус байдлаар дараах зүйлийг зөвшөөрөхгүй:

1. ОньсШоп клауд систем дээрх аливаа материал, мэдээлэлд нэвтрэх, хяналт тавих;

2. ОньсШоп клауд системийн хэвийн үйл ажиллагаанд саад учруулах, бусад хэрэглэгчийн мэдээлэлд нэвтрэх, ашиглахаас урьдчилан сэргийлэх, дэд бүтцэд үндэслэлгүй буюу ихээр ачаалал өгөх аливаа үйлдлийг хийх буюу хийхийг оролдох;

3. ОньсШоп програмыг хуулах, хувилах, өөрчлөх, олон нийтэд үзүүлэх, байршуулах, дамжуулах, дахин борлуулах, түгээх;

4. Ерөнхий нөхцөлийн дагуу танд олгосон аливаа эрхийг шилжүүлэх;

5. Галт зэвсэг, галт зэвсгийн эд анги, сум, зэвсэг эсвэл бие махбодод хор хөнөөл учруулах зориулалттай бусад хэрэгслийг борлуулахад ашиглах;

6. Аливаа хууль бус үйл ажиллагаа эсвэл бараанд, манай хамтрагч байгууллагад эсвэл ОньсШопд хор хохирол учруулах ямар нэгэн байдлаар ашиглах;

7. Энэхүү Ерөнхий Нөхцөлөөр зөвшөөрөгдсөнөөс бусад байдлаар ашиглах.

• Таны өгөгдөл /контент/

Та ОньсШопд бүртгэсэн, оруулсан бүх мэдээллийнхээ бүрэн эрхийг хадгалж үлдэх ба өгөгдлөө ашиглах, өөрчлөх, харуулах бүрэн эрхтэй байна. Түүнчлэн, та бусдад хор хөнөөлтэй жишээлбэл хууль бус, садар самуун гэх мэт мэдээлэл оруулахгүй байх ёстой.

ОньсШопд бараа, бүтээгдэхүүн, үйлчилгээ, урамшуулал болон бусад мэдээ материалыг ("Өгөгдөл") бүртгэх, борлуулах үйл ажиллагааг оруулж болно.

Систем гаргагч нь програмаа хүргэх, сурталчлах, хэрэглээнд оруулах, өргөжүүлэх зэрэг шалтгаанаар таны контентыг цуглуулах, боловсруулах, ашиглах эрхтэй.

Ерөнхий Нөхцөлөөр олгосон эрхийнхээ дагуу та Өгөгдөл доторх бүх эрхээ хадгална. Та Өгөгдлөө өөрчлөх, устгах боломжтой боловч таны өгөгдөл бүртгэсэн лог, борлуулалтаар дамжуулан эсвэл бусад гүйлгээний түүхэн, архивлагдсан эсвэл хадгалагдсан хуулбарууд болон тэдгээрийн хувилбаруудад хадгалагдах болно.

ОньсШоп нь хуурамч үйл ажиллагаа эрхэлсэн эсвэл ОньсШопийн Ерөнхий Нөхцөлийг зөрчсөн эсэхийг илрүүлэх, урьдчилан сэргийлэх зорилгоор өгөгдлийг хянах боломжтой.

Таны ОньсШоп дээрх Өгөгдөл нь танай хэрэглэж байгаа техник хэрэгсэл, компьютерээс шалтгаалсан эсвэл механикаар халдсан болон түүнтэй ижил төстэй шалтгаанаас үүдэлтэй аливаа Өгөгдлийн алдагдал, гэмтэлд бид хариуцлага хүлээхгүй.

• Оюуны өмчийн зөрчил

ОньсШоп нь Систем гаргагчын албан ёсны бүтээгдэхүүн юм. Бид бусдын оюуны өмчийн эрхийг хүндэтгэж үздэг ба танаас мөн тийм байхыг хүсье.

• Аюулгүй байдал

Бид аюулгүй байдлыг нухацтай авч үздэг боловч хэн нэг нь хуурамчаар таны хувийн мэдээлэлд нэвтрэхгүй гэдгийг баталж чадахгүй. Та нууц үгээ аюулгүй байлгаж, хэн нэг нь таны ОньсШопруу нэвтрэх, таны зөвшөөрөлгүйгээр танай төхөөрөмжөөр /касс, компьютерын/ таны акаунтыг ашиглаж байна гэж бодож байвал нууц үгээ солих эсвэл бидэнд мэдэгдэх хэрэгтэй.

Бид таны хувийн мэдээллийг санамсаргүй байдлаар алдах, зөвшөөрөлгүй хүн нэвтрэх, ашиглах, өөрчлөх, задруулахаас хамгаалах зорилготой програмын бүтэц, програмчлалын зохион байгуулалтын арга хэмжээг авч хэрэгжүүлсэн. Гэсэн хэдий ч зөвшөөрөлгүй гуравдагч этгээд таны хувийн мэдээллийг зүй бус зорилгоор ашиглах боломжгүй гэдгийг бид баталж чадахгүй. Та өөрийн мэдээллээ өөрөө эрсдэлд оруулахаас сэргийлэх хэрэгтэй.

Та нууц үгээ хамгаалан касс, компьютерээс ОньсШопруу зөвшөөрөлгүй нэвтрэхийг хязгаарлах үүрэгтэй.

• Төлбөртэй үйлчилгээ

Бидний санал болгож буй зарим үйлчилгээ нь үнэгүй боловч бидэнд төлбөртэй функц, модуль байдаг.

ОньсШопын Тохиргоо, Бараа бүртгэл, Шошго хэвлэх, Тайлан модулиудыг төлбөргүй ашиглахаас бусад модулиуд нь төлбөртэй ашиглах журамтай. Төлбөртэй модулийг та өөрийн ОньсШопоос сонгон авж төлбөрийг дансаар шилжүүлэх боломжтой.

Төлбөртэй модулийн хураамжийг төлсөн өдрөөс хойш нэг жилийн хугацаанд ашиглахаар тооцох болно. Та ОньсШопын тохиргооноос хүссэн үедээ төлбөртэй модулийг цуцалж болно. Хэрэв та цуцалбал тухайн төлбөр тооцооны хугацаа дуусах хүртэл тухайн модульд нэвтрэх эрхээ үргэлжлүүлэн авах боловч төлбөрийн хугацаа дууссан эсвэл төлөгдсөн аливаа хураамжийг буцаан авах эрхгүй болно.

• Цуцлах нөлөө

Та ОньсШоп програм ашиглахаа больсны дараа, төхөөрөмжөөсөө өгөгдлөө устгаснаас үүдэн гарах алдагдлыг бид хариуцахгүй. ОньсШоп програмыг ашиглахаа больсны дараа ч гэсэн манай гэрээний зарим нөхцөл хүчинтэй хэвээр үйлчлэх болно.

Хэрэв ямарваа шалтгаанаар ОньсШопыг ашиглахаа больсон тохиолдолд бид таны болон танай дэлгүүрийн мэдээллийг устгах үүрэг хүлээхгүй бөгөөд манай серверүүд дээр хадгалагдсан хэвээр байх болно.

ОньсШоп ашиглахаа болихтой холбоотой нөхөн төлбөр, хохирлыг бид танд болон гуравдагч этгээдэд төлөх үүрэг хүлээхгүй болно.

ОньсШоп програмыг ашиглахаа болсны дараа ч гэсэн дараах Ерөнхий Нөхцөлийн хэсгүүд хүчин төгөлдөр байх болно: 4 (Таны өгөгдөл), 5 (Оюуны өмчийн зөрчил), 8 (Цуцлах нөлөө) , 10 (Оюуны өмч), 11 (Төлөөлөл ба баталгаа), 12 (Баталгаа), 13 (Гуравдагч этгээдийн бүтээгдэхүүн), 14 (Маргаан), 17 (Маргаан эхлүүлэх хугацааг хязгаарлах), 18 (Даалгавар), 19 (Гуравдагч этгээдийн үйлчилгээ ба бусад бүтээгдэхүүний холбоосууд), 20 (Бусад заалтууд).

• Таны тусгай зөвшөөрөл /лиценз/

Эдгээр Ерөнхий Нөхцөлөөр зөвшөөрөгдсөн ОньсШоп програм хангамжийг ашиглах таны сонгосон хувилбарын хүрээнд, цуцах боломжгүй, шилжүүлэх боломжгүй ашиглах эрхийг бид танд олгож байна. Бидний гаргасан програм хангамжийн шинэчлэлтийг та ашиглахын тулд Програм Шинэчлэлийг татан суулгах хэрэгтэй. Програм хангамжийн шинэчлэлт гарсан даруйд танд мэдэгдэх болно.

• Оюуны өмч

Та ОньсШопын лицензийн төлбөрийг төлөөд ашиглаж байгаа боловч таньд ямар нэг оюуны өмчлөлийн эрх үүсэхгүй.Та програмын сайжруулалтанд ямар нэг санал оруулж болох боловч энэ нь үнэ төлбөргүй байна.

Эдгээр Ерөнхий Нөхцөлөөр танд тусгайлан олгогдоогүй бусад бүх эрхийг Систем гаргагч хадгална. Систем гаргагч нь ОньсШопын бүх эрх, өмчлөх эрх, зохиогчийн эрх болон бусад оюуны өмчийн эрхийг (доор тайлбарласны дагуу), програмын бүх хуулбарыг эзэмшдэг. Эдгээр Ерөнхий Нөхцөлөөр танд ямарваа ОньсШоп програм хангамжтай холбоотой өмчлөлийн эрх олгогдохгүй.

Эдгээр ерөнхий нэр томъёоны хувьд "Оюуны өмчийн эрх" гэдэг нь патентын эрх, зохиогчийн эрх болон бусад оюуны эрхийг хэлэх ба ирээдүйд бий болох програмын нэмэлт сайжруулалт, системийн өрөгтгөлд ч тус эрх хамаарна.

Та ОньсШоп програмын талаарх сэтгэгдэл эсвэл саналаа илгээж болно ("Санал"). Таны илгээсэн аливаа Санал санаачлага нь ямар нэг үнэ төлбөргүй, зөвшөөрөл хязгаарлалтгүйгээр хийгдэх бөгөөд үүнд Систем гаргагч нууцлалын болон бусад үүрэг хариуцлага хүлээхгүй ба танд ямар нэгэн нэмэлт нөхөн төлбөргүйгээр санаагаа чөлөөтэй ашиглах эрхтэй гэдгийг хүлээн зөвшөөрч буйгаар тооцогдоно.

• Төлөөлөл ба баталгаа

Энд та өөрийнхөө хэлж байгаа хүн гэдгээ баталж, хууль болон Систем гаргагчийн Ерөнхий Нөхцөлийг дагаж мөрдөх болно гэдгийг үүгээр баталж байна.

Та бидэнд дараах зүйлийг төлөөлж, баталгаа өгч байна: (а) та арван найман (18) болон түүнээс дээш настай; (б) та энэхүү үйлчилгээг бүртгүүлэх, ашиглах эрхтэй бөгөөд энэхүү Ерөнхий Нөхцөлийн дагуу ашиглах чадвартай байх; (в) ОньсШоптой холбогдуулан өгсөн таны аливаа мэдээлэл, үүнд таны бизнесийн нэр, таны бараа, үйлчилгээг борлуулж буй таны бизнес эсвэл хувийн шинж чанарыг үнэн зөв илэрхийлэх; (г) та болон таны бүх гүйлгээ нь Монгол улсын хууль тогтоомж, дүрэм журмыг дагаж мөрдөнө. (д) та ОньсШопыг шууд болон шууд бусаар аливаа залилан мэхлэх үйл ажиллагаанд ашиглахгүй бөгөөд ОньсШопын үйл ажиллагаанд саад учруулахгүй; ба (д) та эдгээр Ерөнхий Нөхцөлийг дагаж мөрдөн ОньсШопыг ашиглах болно.

• Баталгаа

Бид үйлчлүүлэгчдэдээ сайн бүтээгдэхүүн, үйлчилгээг хүргэхийн тулд чадах бүхнээ хийж байгаа ба үүнийгээ ямар нэг баталгаагүйгээр өгдөг. Бид ОньсШодоор хийгдэх худалдан авах болон зарж борлуулах аливаа бараа, үйлчилгээнд хариуцлага хүлээхгүй.

ОньсШоп нь гуравдагч этгээдийн сурталчилсан, санал болгосон аливаа бүтээгдэхүүн, үйлчилгээг баталгаажуулахгүй, батлахгүй, баталгаа өгөхгүй, хариуцлага хүлээхгүй. ОньсШопыг төлбөртэй ашигласнаар тус програмаар дамжих аливаа бараа, үйлчилгээнд хянах, хариуцах үүрэг хүлээхгүй.

• Гуравдагч этгээдийн бүтээгдэхүүн

ОньсШоптой хамтарсан бүх гуравдагч талын тоног төхөөрөмж болон бүтээгдэхүүн үйлчилгээний баталгаа нь тухайн бүтээгдэхүүн үйлчилгээг хариуцдаг нийлүүлэгч байгууллага эсвэл үйлдвэрлэгчээс өгсөн баталгаа, нөхцөлийн дагуу байна. Банкны ПОС төхөөрөмж зэрэг тоног төхөөрөмжтэй холбоотой асуудалд дэмжлэг тусламж үүсвэл та тухайн банкруу, нийлүүлэгч байгууллагаруу нь холбоо барих хэрэгтэй.

• Маргаан

Энэхүү Ерөнхий Нөхцөлөөс "Маргаан" гэсэн үгийн тайлбар нэр томъёог эндээс харж болно.

"Маргаан" гэдгийг энэхүү Ерөнхий Нөхцөлийн хүрээнд та болон Систем гаргагч, түүнтэй хамтарсан гуравдагч байгууллага хоорондын аливаа нэхэмжлэл, маргаантай асуудлыг ойлгоно.

• Маргаан шийдвэрлэх

Энэ хэсэгт маргааныг шийдвэрлэх тухай дэлгэрэнгүй мэдээллийг оруулсан болно.

Талууд гэрээний хугацаанд гарсан аливаа маргаан, асуудал, эсхүл санал зөрөлдөөнийг эвийн журмаар, харилцан зөвшилцөж, шийдвэрлэх аргыг ашиглана. Хэрэв Талууд зөвшилцөн асуудлыг шийдвэрлэж чадахгүй бол Монгол Улсын Хуулийн дагуу Монгол Улсын шүүхээр шийдвэрлүүлнэ.

• Хууль дүрэм

Энэхүү Ерөнхий Нөхцөлүүд болон аливаа маргаан нь Монгол Улсын Иргэний хууль болон холбогдох бусад хууль тогтоомжийн дагуу зохицуулагдана.

• Маргааныг эхлүүлэх хугацааг хязгаарлах

Таны маргаантай холбоотой аливаа үйлдэл, үйл ажиллагаа нь тухайн үйлдлийн шалтгааныг тооцсоноос хойш нэг жилийн дотор эхлэх ёстой.

• Даалгавар

Та манай үйлчилгээний нөхцөлийн дагуу авсан ОньсШоп програмын эрхээ өөр гуравдагч этгээдэд шилжүүлэх эрхгүй.

Эдгээр Ерөнхий Нөхцөл, энд олгосон аливаа эрх, лицензийг та өөрөөсөө өөр хүнд шилжүүлж, оноож болохгүй бөгөөд аливаа шилжүүлэх, шилжүүлэх оролдлого хүчин төгөлдөр бус болно.

• Гуравдагч этгээдийн үйлчилгээ ба бусад бүтээгдэхүүний холбоосууд

Та манай бүтээгдэхүүн, үйлчилгээг ашиглаж байхад гуравдагч этгээдээс үйлчилгээ санал болгож магадгүй юм. Та болон тэдэнтэй холбоотой хоорондын аливаа асуудлыг бид хариуцахгүй.

ОньсШоп програмтай хамтарсан гуравдагч талаас танд бүтээгдэхүүн, үйлчилгээ, урамшууллыг санал болгож болно. Хэрэв та гуравдагч талын үйлчилгээг ашиглахаар шийдсэн бол тухайн байгууллагын үйлчилгээний нөхцөлийн дагуу байна. Бид гуравдагч байгууллага, этгээдийн үйлчилгээний гүйцэтгэлд хариуцлага хүлээхгүй. Цаашилбал, та гуравдагч этгээдийн бүтээгдэхүүн үйлчилгээний талаар гуравдагч этгээдтэй маргаан үүсвэл тухайн гуравдагч талтай харилцан хүлээлцсэн нөхцөлийн дагуу шийдвэрлэнэ. ОньсШоп нь гуравдагч талын бүтээгдэхүүнтэй холбогдон ажиллах боломжтой.

• Бусад заалтууд

Энэхүү Ерөнхий Нөхцөлөөр Систем гаргагч болон таны хооронд гэрээ байгуулагдсанд тооцно. ОньсШоп програмын бусад бодлого, гэрээ нь энэхүү Ерөнхий Нөхцөлийн бодлого заалттай зөрчилдвөл энэхүү ерөнхий гэрээний нөхцөлийг давуу байдлаар шийдвэрлэнэ. Хэрэв энэхүү Ерөнхий Нөхцөлийн аль нэг заалт нь Монгол улсад хүчин төгөлдөр мөрдөгдөж байгаа хуулийн дагуу бус байгаа бол холбогдох хуульд заасан хэмжээгээр биелүүлэхийн тулд өөрчилж, тайлбарлах бөгөөд үлдсэн заалтууд нь хүчин төгөлдөр үргэлжлэх болно. Эдгээр Ерөнхий Нөхцөл нь худалдааны нууц, зохиогчийн эрх, патент болон бусад хуулиар олгогдсон аливаа эрхийг хязгаарлахгүй.